ƏZİZİM MÜSLÜM!
İyunun 21-dən Jeleznovodskdayıq. Məleykə1
müalicə olunur, mən isə piano çalmağı
öyrənməyə başlamışam. Burada
özümə müəllimə tapmışam,
o, həftədə 3 dəfə mənimlə məşğul
olur və hər gün onun royalından istifadə
edirəm, bunun üçün ayda 15 manat verməliyəm.
Hələ Bakıda ikən mən və (C...)
Şuşaya gedib orada tamaşa göstərmək
fikrindəyik, notların bir qisminin sizin mənzilinizdə
olduğunu bilirdik. Məleykə ilə sizə gedib
notları götürdük; lakin Şuşa məsələsi
baş tutmadı, notlar Camaldadır2.
Bizimkilər Maştağa bağına köçmüşlər2.
Yaz görək, Bakıya nə vaxt gedəcəksən.
Moskvaya getməzdən əvvəl sənə məktub
yazacağam. Məkkənin səhhəti haqqında
mənə yaz4,
orada necə yaşayırsınız? Biz burada o
qədər də darıxmırıq. Hərdənbir
ətraf kurortlara gəzməyə gedirik.
Məleykədən və məndən Badyuşa5,
anana, Camula6,
Makkaya və bütün tanışlara salam söylə.
Sənin Üzeyrin
3 iyul 1912-ci il Celeznovodsk
İnjenernı döngəsi, bağ ¹ 9
1. Məleykə xanım Hacıbəyova (qızlıq
familiyası Terequlovadır) — bəstəkarın
arvadı.
2. Camal Paşayev — bəstəkarın bacısı
oğlu.
3. Maştağa — Abşeron yarımadasında şəhər
tipli qəsəbə
4. Makka — bəstəkar Müslüm Maqomayevin bacısı..
5. Badyuş — Müslüm Maqomayevin arvadı Badigülcamalın
(qızlıq familiyası Terequlovadır) qısaldılmış,
oxşayıcı adı.
6. Camul—bəstəkar M. Maqomayevin böyük oğlu
Cəmaləddindir.
