Neçə
cığır açdı, neçə
yol açdı,
Ömür yollarında "Cəngi" yarandı,
Xəyalı göyləri gəzdi, dolandı,
İlhamı torpaqdan aldı Üzeyir.
Xeyirdi, sənəti boğdu şəri
də,
Qızıl güllər açdı alın
təri də,
Təkcə royalı yox, ürəkləri
də,
Mahir əlləriylə çaldı Üzeyir.
Musiqidən tutdu gül dəstəsini,
Dinlədi hər zaman xalqın səsini,
Qurtara bilmədi "Firuzə"sini,
Dərin xəyallara daldı Üzeyir.
Şəlalətək axır ürəyimizdən,
Qəlbi ayrılmadı heç zaman bizdən,
Boylandi "Koroğlu" zirvəsi üstdən,
Köçüb ürəklərdə
qaldı Üzeyir.
Tofiq Mütəllibov. |
